Grao en Enxeñaría da Automoción con Mención Dual

⁽¹⁾ Ord: convocatoria ordinaria, Ext: convocatoria extraordinaria. Nota de acceso do curso 2025/2026
⁽²⁾ Importe dos créditos ECTS do primeiro curso. Taxas non incluídas
⁽³⁾ Bonificación equivalente ao 99% do prezo en primeira matrícula segundo decreto da Xunta de Galicia

Descrición

O título de Grao en Enxeñería da Automoción -mención dual- achega a formación científico-técnica e socioeconómica necesaria para realizar actividades relacionadas coa concepción, cálculo, deseño, análise, construción, posta en marcha e operación de equipos e instalacións dentro do campo da industria en xeral e, en particular, da industria relacionada co sector da Automoción.

Esta formación capacitará para o desenvolvemento actividades no ámbito profesional con creatividade, espírito crítico e sentido ético, atendendo, en todo caso, ás especificacións e normativas técnicas correspondentes.

Acceso e admisión

• Bacharelato con PAU superada
• Ciclos formativos de grao superior
• Proba de acceso para maiores de 25 ou 45 anos
• Titulación universitaria previa

Saídas Profesionais

O Grao en Enxeñaría da Automoción achegará aos egresados a formación necesaria para que sexan capaces de realizar, entre outras, as seguintes actividades e funcións:

• Capacidade para desenvolver actividades relacionadas coa concepción, deseño, elaboración, análise e mantemento de sistemas e compoñentes incorporados aos automóbiles.
• Desenvolver solucións que den resposta aos problemas de mobilidade que se presentan nas sociedades modernas, sempre baixo os principios de eficiencia e sustentabilidade.
• Ter a capacidade para mellorar o produto e levar a cabo reenxeñaría de procesos.
• Capacidade para organizar e controlar a produción en planta, control de calidade e loxística.
• Ser capaces de aplicar os regulamentos e o cumprimento da normativa no sector do automóbil.
• Ademais, a formación adquirida tamén permitirá as persoas tituladas levar a cabo actividades relacionadas co proxecto, cálculo, deseño, análise, construción, posta en marcha e operación de equipos e instalacións dentro do campo da industria en xeral e, en particular, da industria da automoción.
• Por outra banda, tamén estarán capacitados para liderar e dirixir proxectos en contornas multidisciplinares.