Simultaneidade Enxeñaría Informática - Intelixencia Artificial

⁽¹⁾ Ord: convocatoria ordinaria, Ext: convocatoria extraordinaria. Nota de acceso do curso 2025/2026
⁽²⁾ Importe dos créditos ECTS do primeiro curso. Taxas non incluídas
⁽³⁾ Bonificación equivalente ao 99% do prezo en primeira matrícula segundo decreto da Xunta de Galicia

Descrición

O PCEO GrIAEI permite simultanear os estudos de Grao en Intelixencia Artificial e Grao en Enxeñaría Informática. O seu obxectivo principal é formar profesionais altamente cualificados que dominen tanto os fundamentos da informática como as tecnoloxías emerxentes de intelixencia artificial. Este programa integral permite aos estudantes obter unha comprensión profunda do deseño e desenvolvemento de sistemas informáticos complexos, á vez que adquiren habilidades avanzadas en aprendizaxe automática, procesamento da linguaxe natural e toma de decisións automatizada.

Perfil de Ingreso

A simultaneidade Intelixencia Artificial – Enxeñería Informática oriéntase a persoas interesadas na tecnoloxía, a programación e a resolución de problemas complexos, que tamén teñan curiosidade por comprender e desenvolver sistemas intelixentes capaces de aprender, razoar e adaptarse. É ideal para estudantes cunha base sólida en matemáticas, lóxica e pensamento abstracto que desexen adquirir unha formación integral e distintiva en dúas áreas clave da transformación dixital. O programa busca un perfil analítico, creativo e con visión de futuro, motivado polos desafíos tecnolóxicos e con aspiracións a traballar en contornas innovadoras e multidisciplinares.

Acceso e admisión

• Bacharelato con ABAU superada
• Ciclos formativos de grao superior
• Proba de acceso para maiores de 25 ou 45 anos
• Titulación universitaria previa

Saídas Profesionais

As saídas profesionais que ofrece a simultaneidade dos graos de Intelixencia Artificial e de Enxeñaría Informática son, entre outras:

• Enxeñeiro/a de intelixencia artificial.
• Arquitecto/a de computación na nube.
• Desarrollador/a de solucións para o procesamento de linguaxe natural.
• Deseñador/a e desarrollador/a de solucións informáticas
• Enxeñeiro/a de proxectos.
• Desarrollador/a de software e aplicacións.
• Investigación e desenvolvemento no ámbito da computación, os datos e intelixencia artificial aplicada.
• Consultor/a de proxectos de automatización intelixente.