Grao en Dereito

 

⁽¹⁾ Ord: convocatoria ordinaria, Ext: convocatoria extraordinaria. Nota de acceso do curso 2021/2022
⁽²⁾ Importe dos créditos ECTS do primeiro curso. Taxas non incluídas

 

Descrición

O obxectivo fundamental deste grao é formar profesionais de perfil xurídico, cun coñecemento global de todas as áreas relacionadas co Dereito. O grao proporciona a estrutura xeral e os conceptos fundamentais das diversas disciplinas xurídicas para que, sobre a base dos mesmos, as persoas graduadas poidan identificar, analizar e dar solución aos problemas xurídicos, no exercicio libre, nas empresas e nas administracións públicas coas funcións de asesoramento legal, representación e defensa legal, dación de fe pública, xestión pública, rexistro, defensa da lexislación e dos dereitos da cidadanía, xulgar e executar o xulgado, dirección e coordinación no ámbito privado e público, mediación, conciliación e arbitraxe.

Mencións

• Dereito privado
• Dereito público

Perfil de Ingreso

Estudantado interesado no desenvolvemento das diversas profesións de contido xurídico, tanto mediante o exercicio autónomo da profesión como a través de oposición ou outros sistemas de selección para o emprego público; tamén e de forma especial, mediante a incorporación ao mundo empresarial.

Acceso e admisión

• Bacharelato con ABAU superada
• Ciclos formativos de grao superior
• Proba de acceso para maiores de 25, 40 ou 45 anos
• Titulación universitaria previa

Saídas Profesionais

• Avogacía
• Xudicatura
• Ministerio fiscal
• Secretaría de xulgado
• Notaría
• Rexistro
• Ensino
• Funcionariado
• Empresa privada
• Asociacións e organizacións privadas